Svosum ekkert að gerast

...nema að Karina og Jenni frændi eru komin aftur. jei jei jei.
Þá hefur maður einhver til að hanga utan í og æfa íslensku.

En annars er þetta bara rólegt. Við Simone hættum við að flytja saman, og hún fann sér herbergi niðri í bæ. Flytur út af kollegíinu eftir 2 vikur. Ég er harður ghettóbúi. Fer ekki rassgat.

Það voru uppþot hérna í hverfinu í vikunni. Kveikt í ruslageymslum og öðru gáfulegu.
En eins merkilegt og það er þá eru helvítis hipparnir alltaf að kasta grjóti og brenna bíla, og þeir hafa stuðningsmenn innan þingsins.
Þegar innflytjendurnir verða súrir og brenna ruslatunnur þá eru þetta hryðjuverkamenn og landráðamenn.

Helvítis aumingjar allt saman. Það ætti að safna þeim saman, rífa af þeim útlimina og kveikja í þeim. Eða bara setja þá í búr saman, svo fá þeir sem lifa af 200þús. og ferð til spánar. Gott sjónvarpsefni þar.

En annars, þá hef ég verið þekktur fyrir fallegan fölan húðlit. Mjúkur sem barnsrass og unglegur með eindæmum. Svo var ég á gangi úti í Nettó, og sé þá á tilboði rakakrem
"makes you brilliantly golden brown"
með brúnkulit.
Ég sé þarna einstæðan möguleika fyrir hvíta manninn að passa loksins inn í gettógírinn. Læðist að rekkanum set þetta í innkaupakörfuna og fer svo heim að afgreiðsluborðinu. Verð nú svoldið óöruggur með karlmenskuna þarna, svo að ég rúlla fram hjá baðvörunum og kippi dömubindum með; "ég er að kaupa þetta fyrir kærustuna, ekki fyrir mig. Ha, ha, ég, nei nei."

Svo fer ég heim og baða mig upp úr brúnkunni og finn bara hvernig ég verð ómótstæðilega gullinn og fallegur.
Þokkalega sáttur fer ég í skólann, með bros á vör, blá augu og brúnku sem dáleiðir. Fyrsti tími er byggingar, efni og umhverfisáhrif.
Þar er farið yfir öll möguleg hormónatruflandi efni og eyðileggingarmátt þeirra. Og þar á meðal voru parabenar sem hafa óstjórnlegan eyðileggingamátt. Fósturgallar, frjósemisvesen og bara tóm leiðindi.
Svo fer ég nú heim og kíki á þennan 5 lítra brúnkudúnk og viti menn. Ekkert nema einhverir sterar, parebenar, pthaler og eiturefni í stórum stíl.
Þannig að ég gafst bara upp aftur.
Náði frá mínum náttúrulega fallega bleika lit yfir í fölgulan, en svo ekki meira.

Maður fer nú ekki að eyðileggja afkvæmisframleiðslukerfið fyrir einhverja sænska gervibrúnku.

En annars bara over and out.

En kíkið endilega á þetta parabena dæmi. Methyl og Ethyl-paraben eru ok, en propyl, butyl og iso formin af þeim eru hormónatruflandi. Og þið mæður verðið að passa ykkur sérstaklega á þessu.
Það eru tvö merki sem á að vera hægt að stóla á, skandinavíska svanamerkið og svo blómið, sem er evrópustimpill.
Það er ekki hægt að stóla á auglýsingar, t.d. var Simone með krem sem var merkt lífrænt, fallegt og seiðandi eða eitthvað álíka og það var yfirfullt af svona eitri.
En til allra lukku hefur fyrirtækið, Novozymes, hér í danmörku fundið ensími sem hugsanlega geta komið í stað þessara efna.

Förum aðeins yfir þetta:
Parabenar nei takk.
Svanurinn og Blómið, já takk.

Takk fyrir mig, fjallkona góð

Mættur í fyrirheitna landið
gengur vel, ætla í sturtu.

Hejsa

jeg fer heim til Íslands þann 17. ligga ligga lái.
kem í freðheima klukkan 22 um kvöldið.

og það verður bað, og heitur pottur og hangikjöt, og lakkrís, og brauð með osti og ein pylsa með öllu og svo einn subway með krabbasalati. Lambakjöt og sófi. vont veður og vesen.
jesssir það verður gaman að koma aftur til landsins heilaga.

Þar sem allir tala normalt.

Ruslpóstur

Ég fæ alveg óhemju magn af ruslpósti til mín. Sumt getur nú verið svoldið skemmtilegt. Til dæmis getur maður fengið typpastækkunarplástra og rólex úr á góðum prís. En yfirleitt er þetta hreinn óskapnaður, til ama og ógeðisvaldandi viðbjóður.

Án gríns, ég er að meina það án gríns, þá átti rússneski spamkóngurinn skilið að vera myrtur. Hann var samanlagt búinn að eyðileggja fleiri grilljón billjón mannslífsmínútur. Hann hefði í rauninni átt að vera sótttur af lögreglunni, flengdur hengdur og grafinn í gömlum úldnum þorski.
Það eru til nokkrar tegundir af ruslpósti, svokölluðu spammi. Það er þessi leiðinda lævísa týpa sem einhvern veginn ekki nokkur leið er að komast hjá, með tilboðum um viagra, betra kynlíf, ódýr rólex úr, tölvuforrit o.s.frv. og frv.

Það skrýtna við þann póst er að ef að maður kíkir á hann, þá er ekki nokkur leið að maður eigi viðskipti við viðkomandi.

Auglýsandinn lofar mér skaufa svo stórum að konur geti hreinlega hangið í honum. Þetta verður svona eins og í leikskólanum í den, þegar maður gekk hönd í hönd, nema að hér verður risaskaufinn notaður sem reipi til að draga allar fegurðardrottingarnar heim.

Þessa leið stúlkur þetta er alveg að koma, ef þið eruð þreyttar þá getið þið bara sest á monsterið.
Ekki slæm hugmynd, bara einn plástur og maður er kominn á stall með John Holmes, Ron Jeremy og Gvendi töfratyppi.

En þetta verður bara eitthvað svo ótrúverðugt þegar maður skoðar jönkmeilinn betur, sjá:

It really isnt funny, Elizabet He is not so very bad, Geoffre Sara told me that you ordered I was going to tell you tonigh And Thomas? Elizabeth asked, f He will stay here with your gr I do not, Elizabeth whispered, Next summer Thomas will come t His jest concerning her brothe I have, Geoffrey admitted, lik Such as? Elizabeth inquired, s He started to answer but Eliza Elizabeth laughed and a sparkl Think you so irresistible? she In truth, I did not, until you Elizabeth pulled back and gave

Um hvað er verið að tala og hver er Elizabeth.

Þetta getur bara ekki virkað.

Annað eru svo svindlpóstarnir. Þar sem auglýst eru hlutabréf, lotterívinningar og annað sem glatt getur fátækann.

Því miður þá er ég ekki með eintak en oftast einkennast þessi bréf, sem og önnur spam bréf, af einkennilegu málfari, ótrúlegum tilboðum og langsóttum skýringum.

T.d. happadrætti þar sem að maður fyrir tilviljun var dreginn út úr emeil skránni og vann 90milljónir, eða eitthvað álíka. Af hverju ætti einhver að setja 90 milljónir í happadrætti sem ekki þénar 300 milljónir á seldum miðum. Þetta meikar ekki sens.

Verst af öllu finnast mér þó bréfsendingar frá vinum og vandamönnum. Fólki sem maður þekkir, treystir og þykir vænt um. Ekki af því að það gerist svo oft heldur af því að þetta krefst þess að ég taki afstöðu. Á ég bara að eyða bréfinu, láta sem að ég sjái það ekki eða á ég að svara bréfinu og láta viðkomandi vita að þetta sé brella og póstkassafyllandi óbjóður.

Þetta eru skeyti sem "þarf" að senda áfram. Þau eru yfirleitt í þessum stíl, fyrirtæki x ætlar að gefa, bjarga, borga, þér eða bágstöddum ættingja með sykursýki og njálg bara ef að þú sendir póstinn á alla sem að þú þekkir.

Eða, nýr ógeðslega hættulegur vírus er kominn af stað, hann heitir Johnny 5 og er ormur. Þetta er brúnt aflangt kvikindi sem hringar sig utan um harða diskinn og étur allar upplýsingar sem eru eldri en þriggja ára og helst leiðinlegar upplýsingar, eins og bókhald. Þetta er staðfest af tölvudeild garðyrkjuskóla ríkisins sem og ransóknarstofnun landbúnaðarins. Vinsamlegast sendu þetta á alla sem þig langar að angra í dag.

Í þennan flokk set ég líka keðjubréfin, ég fæ gæsahúð og fyllist löngun til að gerast fjárbóndi á Mongólsku hásléttunum, þegar ég fæ eitthvað í þessum stíl.

Þetta keðjubréf er frá vinalínu rauðakrossins, það er búið að vera í gangi óslitið síðan 1827 og var sett í tölvuform af John Apple og Mike Email, föður emeilsins, árið 1962. Ef að þú sendir þetta áfram færðu fjórtán hreinar meyjar, 2 lítra af kóki og þrjár óskir (en ekkert lyfseðilsskylt). Sendu þetta áfram á alla þá sem þér þykir vænt um og allt verður í lagi, himininn heldur áfram að vera blár og sumarið verður 3° hlýrra/kaldara eftir því sem við á. Ef að þú sendir þetta ekki áfram þá mun gælufroskurinn hans Benna í íbúð 3 á breiðvangi 48 brenna í helvíti.

Ef að ég eyði bréfinu, er þetta eins og venjulegur ruslpóstur. En viðkomandi mun þá halda áfram að framlengja svona ruslkeðju.

Ef að ég svara þá er ég:
nr. 1 búinn að tapa fyrir ruslpóstinum, af því að ég eyddi tíma í hann.
nr.2 búinn að framlengja ruslkeðjunni með því að senda auka póst, bara til að besserwissa.
nr.3 búinn að bezzerwissa einhver sem ég þekki, og engin þolir besserwizzera.

N.b. Ég bezzerwizza alltaf. Ég verð svo pirraður að ég verð.

jibbidi dúa jibbiddí jei

þetta gekk vonum framar með prófið, reyndar ekki, þetta gekk eins og ég átti von á. bara þokkalega sáttur, svaraði 3 spurningum af 4. Ruglaði svoldið í þeirri síðustu. Sem er alveg skiljanleg, finnst mér.

Jú sjáið til, dæmið var svona.
Við höfum tunnu, sem er full af saltvatni.

Og inn í tunnuna rennur vatnsstraumur Q1 og út rennur Q2.
Q1 og Q2 er jafnstórir, þannig að vatnsmagnið í tunnunni er alltaf það sama.

Nú fáum við að vita að vatnið sem rennur inn hefur 0,5kg af salti per. rúmmetra

Nú er ekki annað að vita nema að í tunnan inniheldur 10rúmmetra af vökva.

Verkefnið var svo að finna afleiðujöfnu sem lýsir saltmagnsinnihaldi tunnunar.

Hvað er svo vandamálið. Ef að inn í tunnuna rennur vatn með salti og út úr tunnunni rennur vatn með salti þá hlýtur saltmagnið að vera konstant.
Þessu svaraði ég,
...en neiii
njiii þú gleymdir að gera ráð fyrir að saltmagnið í tunnuni var annað í byrjun og svo jafnast það út og nær jafnvægi eftir ákveðinn tíma, njö njö njö búhú.

Vell fokk jú bara mér finnst salt ekker gott á bragðið.
Sem minnir mig á annað ég fór á bazarinn og fékk mér kebab eftir prófið. Góður kebab.
Var þar með Afganginum mínum (Afgananum-hann kemur frá afganistan) og hann vill endilega að ég smakki þennan dásamlega drykk sem er að tröllríða hinum millisvarta heimi þarna í mið austurlöndunum.
Drykkjarjógúrt kalla þeir þetta, og þetta er víst æði.
Ég er nú ekkert að tvínóna við þetta kaupi mér dúnk af drykkjarvörunni og gúlla þessu í mig.
og guð minn góður, já við heilagan Allah, hvernig er hægt að gera mér þetta.
Þetta var eins og að drekka sjóblandaða súrmjólk.
uhuhuhu mig hryllir ennþá við tilhugsunina.

vell leiter dúds

Góðan dag og gleðilegt nýtt ár

hæ

þegar maður hefur ekkert vesen

þá finnur maður sér bara eitthvað vesen.

Ég er í miðjum próflestrinum og gengur bara vel. Svo vel að gær fór ég út að hlaupa.
Hafði hugsað mér að skokka 5-6km og koma svo við í búðinni á leiðinni heim. Eftir 3km hugsa ég að það gæti nú verið gaman að skokka aðeins lengra. Eiturfrískur og rólegu tempói lulla ég áfram og svo rúlla kílómetrarnir inn.
6km gott tempo, gæti farið hraðar en það er langt eftir.
Í 10km er ég enn frískur og hugsa að það væri nú alveg hægt að bæta nokkrum metrum við. Skokka af stað í áttina að Galten eftir þessum fallaga moldarstíg sem liggur meðfram Brabrand tjörninni. Svo koma 12km og ég er enn á sama tempóinu, þokkalega frískur svo að ég hugsa að ég klári bara hringinn í kringum tjörnina.
Þetta verður svo allt eitthvað þokukennt eftir það.
Það byrjaði að rigna, kom svarta myrkur, stígurinn breytist í drullusvað á 2-3km kafla og í 17km er allt orðið svart, ég hef ekki hugmynd um hvar ég er eða hvaða leið ég á að fara heim. Það er skítakuldi og maður kominn með krampa í lappirnar. Að lokum kom ég heim eftir 22km skokktúr.
Með viðkomu í nettó þar sem fyllt var á nammibirgðirnar.
Og svo var ég að vakna núna eftir 12 tíma svefn, þá er maður klár í lærdóminn aftur.